Rosemary喪飲又喊又笑

名模Rosemary籌備年多的印度皇室婚禮即將舉行，伴娘貝安琪前晚為她送上驚喜，舉行了一個神秘Bridal Shower，事前只叫Rosemary穿着束胸衣及戴假髮，訛稱參加友人晚宴，怎料開門驚見一班好姊妹全扮成性感舞孃為她歡呼，令Rosemary開心尖叫。

玩「心有靈犀」

Rosemary透露前晚節目豐富，先吃好友親自炮製的健康晚餐，姊妹便要她與未婚夫Jason玩「心有靈犀」，她們預先找Jason拍片，並問了對方20條問題，若Rosemary答案與其不同就要罰喝酒。準新娘興奮地說：「好彩我答啱好多題，呢個遊戲真係Sweet又有趣。（邊題最Sweet？）有一題係叫佢用一句句子形容我，我嘅答案係玫瑰，佢嘅答案係一朵永遠都盛放嘅花，真係好浪漫！」

其後意猶未盡，各人拉大隊到卡拉OK繼續狂歡，喝了不少酒的Rosemary更在房間High爆做一字馬，玩至凌晨三時才盡興而歸。Rosemary坦言感激好友，自爆前晚感動得流淚：「希望喊完，到結婚嗰日唔喊啦！如果唔係要化妝師一直跟住我。」

陳嘉容滴汗

此外，有份出席的名模陳嘉容笑言看到Dresscode穿舞孃裝即滴汗：「未試過扮舞孃。（現場有冇三級表演？）佢哋請咗個男人扮女舞蹈演員同Rosemary跳咗Part辣身舞，不過唔三級，好好笑。」另一位老友黎曉靈則大爆前晚發生了一段小插曲：「去卡拉OK時，入到房其中燈箱跌落嚟『責』到一個女仔嘅頭，老闆就請大家飲嘢。」她表示下月三日便起程到印度做姊妹，更一早預備了傳統的印度服呢！

文：名人組