名媛諸葛紫岐（Marie）前日與丈夫薛嘉麟在北京設宴十多席為愛兒慶祝兩歲生日，生日會由囝囝的外婆籌備，其「皇帝仔」造型也是由外婆親自設計，而爺爺嫲嫲亦專程飛往北京為孫仔慶生。Marie笑說：「佢仲厲害過我，我之前都係畀人叫做公主、王后，佢依家已經係皇帝。」她幸福滿瀉地說：「今年好難得兩家人一齊為囝囝慶祝生日，感覺好溫馨。我覺得今年送畀囝囝最珍貴嘅生日禮物就係集合我哋全家人嘅愛同幸福，希望佢長大之後睇番啲相會有一個愉快回憶。」
