姚子羚在《TVB馬來西亞星光薈萃頒獎典禮2015》中憑劇集《四個女仔三個BAR》奪「最喜愛TVB女配角」，她昨日從馬來西亞返港即到將軍澳商場宣傳劇集《實習天使》，她透露與胡定欣、黃智雯及李施嬅在酒店房開香檳慶祝：「最開心都係可以四個好姊妹一齊出席，呢個機會好難得，同埋佢哋喺我攞獎嘅時候為我喊，定欣攞獎我又好開心！（通知男友？）冇呀！佢好似睇社交網站睇到。（同男友慶祝？）冇，但佢叫我Enjoy同班姊妹慶祝。」

出爐女配姚子羚未有與男友慶祝，反而與一班好姊妹開香檳狂歡。