近日心穎BB上載一張《東坡家事》劇照，相中她被五花大綁10粒鐘，更大呻要死忍唔去廁所，慘情之餘更被指似SM，即成為網民熱話！而她昨日為無綫節目拍攝外景，期間玩水彈大戰搞到底褲都濕埋！

高海寧（右起）、莊思敏、黃心穎、鄧佩儀及陳婉衡大玩水戰，認真唔錫身！

黃心穎近日將《東坡家事》的劇照放上網，劇情講述她染上瘟疫，因擔心變成喪屍而被五花大綁，相片即成網民熱話！拍攝當日心穎被綁足十小時，全身不能動彈，手腳也感麻痹，加上天氣凍，又肚餓，認真慘情！她笑說：「我算舒服，其他人要打都好辛苦，自己睇番都覺得綁到好似隻大閘蟹！（有冇得去廁所？）可以嘅，但我費事麻煩人，所以忍住囉！（有網友話相片好SM？）我又唔覺，人哋點諗我阻止唔到，網上嘅嘢唔介意得咁多。」

而心穎昨日為無綫節目《LET'S GO!兄弟幫1500集》進行外景拍攝，與林盛斌（Bob）、范振鋒、陳國峰、高海寧及陳婉衡等玩水彈大戰，擁有36E身材的「咪神」陳婉衡成為Bob的「襲擊」對象，范振鋒笑說：「佢瞄住人個心口嚟掟，好變態囉！」Bob則抵死地說：「水彈掟埋去唔爆，心口好似有Airbag咁會回彈。」范振鋒又爆Bob與陳國峰為陳婉衡額頭上的蚊瘌捽藥油：「電視台每隔幾年就會有色魔出現。」

濕到入底褲

陳婉衡笑說：「唔係啦！邊有咁準呀！佢喺城樓上面掟落嚟。（似有Airbag？）係我就唔會成身濕晒！（尷尬？）唔會，大家玩啫！」另一咪神高海寧則學會保護自己：「 我淨係條褲濕，見唔對路，一開始就匿埋。（陳婉衡做替死鬼﹖）唔係，佢有天生Airbag保護嘛！」而心穎也全身濕透，她笑說：「濕到入底褲，上親佢哋節目都冇好嘢，上次又係玩到濕晒身。」

文：影視組