男人幫將於本月27至29日在紅館舉行一連三場的《男人幫演唱會2015》，黃家強更會有新嘗試：「今次會選唱經典女仔歌，好緊張啊！唱女仔歌仲係第一次，同音樂老師研究過點喺男人身上發揮到最好。」問到演唱會可會騷肌，只在Beyond時期着過泳褲的家強笑說：「肌肉呢啲留番出寫真先啦！Beyond時期影嗰時得廿幾歲，邊有依家成熟嘅味道！」其他成員又笑稱要睇蘇永康的減肥進展，蘇永康即辯稱：「我都唔知依家瘦咗幾多，總之有啲成績啦！」

要幾型有幾型！四個大男人，顧盼自豪，佬味十足。