女星董嘉儀最近前往澳洲珀斯寓工作於娛樂，遠離繁囂的香港生活節奏，歎盡美酒佳餚享受悠閒生活，一餐食足三個鐘！不過LuLu卻提醒大家自駕遊要分外小心，因分分鐘會撞死袋鼠！　　　　文：影視組

置身風景怡人的珀斯，董嘉儀不禁放開胸懷；要感受大自然的氣息，張開雙手閉起雙眼，這是常識吧！

滑沙

市場

燈塔

珀斯

有「大埔LuLu」之稱的董嘉儀早前接受澳洲旅發局邀請往柏斯拍攝旅遊影片，識玩識歎的LuLu當然瞓身歎個夠！提到當地的美食，她笑言澳洲不止「Fish and Chips」，還有「Lobster（龍蝦） and Chips」！她還向大家分享在酒莊開餐歎羊扒的喜悅：「呢度嘅人食嘢好講究，好重視食物同餐酒配搭，而且每道菜都係慢慢上，畀時間你傾偈同享受環境，講緊餐飯要食兩、三個鐘！」

滑沙玩得過癮

雖然LuLu珀斯之旅曾暢遊不少名勝如尖石林和大燈塔等，又試過滑沙釣魚的玩意，但她最享受的仍是澳洲人融和大自然的生活：「呢度有個市集淨係開星期五至日，好似大笪地有好多特色手作仔，其中一間賣有機番梘同香薰，啲味道好多而且聞落好清香，我特別鍾意尤加利葉隻味，可以通到鼻塞。」

慎防撞親袋鼠

LuLu亦不忘想提醒大家若要前往珀斯旅行，自駕遊要格外小心，她說：「去到一啲郊區嘅路又大又直，不時仲會見到袋鼠，記住咪太得意忘形，因為佢哋會亂過馬路，一個唔小心就會撞親佢哋！」