拍劇順手牽「食」張美妮畀老公話肥

張美妮早前隨《巨輪II》劇組往澳門拍攝，她表示今次是結婚兩年來第一次出Trip：「上一集我係一個小粉絲，晚晚追，今次同阿田、蕭正楠、陳展鵬佢哋一齊開工，可以親身參與真係好開心！」對於能與同期訓練班出身的楊明、徐榮及趙永洪拍劇，美妮說：「幾個咁Friend嘅隔咗十幾年一齊出埠做嘢，令我哋好期待！而當中好多場戲大家又同場，唔使拍嗰時我哋就喺澳門周圍逛，又跳起玩自拍，拍戲同時又諗起以前啱啱識嗰陣一齊返內地玩兩日一夜嘅回憶！」與朋友敍舊之餘，她又笑言今次大飽口福：「我喺『羅信記』做，喺呢邊一間好出名嘅手信舖拍，一餓就隨時拎嚟食，返到香港老公都話我好似肥咗少少！」