朱晨麗近日忙於拍新劇《味想天開》，拍攝雖順利，卻被牙痛折磨，以致左邊腮骨腫起來，拍攝時要垂低頭遷就鏡頭：「因為隻智慧齒出緊，搞到啲牙肉腫晒，早兩日導演仲問我點解塊面圓咗添！勁尷尬。」
牙痛慘過大病，難怪朱晨麗強顏歡笑！
對於劇集在電視城搭建蘇州水鄉，本是蘇州人的阿朱不諱言感受尤深，她說：「第一眼見到個景已經覺得一模一樣，好靚！有小橋流水，連河上面嘅船都好似，好有真實感。」
