余曉彤早前順產誕下愛女Willa，本是運動高手的她對B女寄望甚殷，懷孕期間仍保持運動做胎教，希望女兒長大後同樣熱愛運動。

媽咪向來最偉大，孕婦向來最漂亮。挺起巨肚，水中一站，余曉彤為日後留下黃金印記。

小Willa的降臨，余曉彤這一家三口更是完美。

文：影視組

曾推出健康寫真的余曉彤（Hidy）早前與消防員老公Willian誕下愛情結晶品，B女英文名是Willa，重約6.7磅。雖然順產過程痛到爆，但Hidy見到B女的Cute樣，喜悅蓋過所有痛楚。

上山下海瓣瓣掂

喜愛潛水的Hidy於分娩前曾到海灘穿上Bikini拍大肚寫真，她表示佗B的幾個月一直有做運動：「當然冇以前咁劇烈，大前提係安全啦！但照樣做瑜伽、玩浮潛、行山、游水，希望係種胎教，等BB感受到同我一齊做運動！（想個女第日做運動健將？）我兩公婆都鍾意運動，爸爸係甲一籃球員，可以教佢打波，我哋又係潛水教練，想BB由細就同我哋齊齊玩，對身體好，性格亦會比較堅持同有恒心，希望佢接觸多啲大自然！」

Willian與Hidy最近不停聽育嬰講座，Hidy笑言獲益良多，但令她這位新手媽咪壓力大增：「學點教仔、點餵人奶，聽完先發覺做父母真係好多嘢做。」

新手媽咪壓力大

事業心重的Hidy表示即使升呢做媽咪，仍會繼續幕前演出，希望盡快重拾身手再做打女：「會做番全職演員，希望兼顧到家庭、事業、生活多方面，做番打女都冇問題！」原來她在懷孕期間仍不忘增值，學普通話、學演技及揸船，為復出後全力備戰。