雲集宣萱、徐子珊、盧巧音、夏文汐、麥潔文、余安安和林志美七位合力演出的《我們的女神演唱會》前晚順利完成尾場，袁詠儀、伍詠薇、許志安、JM、朱慧敏及江美儀等圈中人撐場，連麥潔文和余安安的高齡父母亦特地捧場。

宣萱（左起）、夏文汐、余安安和盧巧音投入獻唱，穿上貼身裙的余安安更展現驕人上圍！

宣萱和王敏德又唱又跳又放笑彈，氹到觀眾笑騎騎！

大會送上蛋糕為夏文汐預祝生日。

有嘉賓王敏德助陣的宣萱，勁歌熱舞兼大搞爛Gag，王敏德以普通話笑說好辛苦，宣萱則回應：「你出國語？我出汗。」王敏德說：「我出咗好多嘢！小姐你哋笑乜？」宣萱又在台上表示對於尋找另一半抱隨緣態度，其後受訪時她笑說：「我爸爸年紀都好大，以前成日催我同哥哥，因為我哥哥都係冇生小朋友，但依家已經放棄咗，覺得最緊要我哋開心。」而余安安受訪時對媽媽撐場十分感動：「我平時舞台劇或電影佢都唔願出席，今次我話唱歌佢就嚟，喺後台影完相都唔肯走，仲猛話好睇！」

慶功宴上，大會向即將生日的夏文汐送上蛋糕預祝，夏文汐說：「有咁多人同我慶祝好難忘！差啲感動到喊！」