英國模特兒Kelly Brook日前在倫敦一間餐廳與兩名穿上奇裝異服的粉絲合照，大晒纖腰，但隨即被網友踢爆PS改圖縮腰圍，而餐廳亦上載另一張原汁原味的「水桶腰」照片。Kelly惟有承認改圖，但拒絕道歉：「我上載嘅相唔係唔真實，我喜歡自己嘅身體，少少嘅改圖同女人戴假髮、喺胸圍裝假狗、穿緊身衣或者打Botox其實係一樣，但我就冇做過呢啲嘢。」