周美欣（Lorretta）最近忙於為舞台劇首演作準備，在劇中大跳性感鋼管舞的她自爆因緊張表現而大感壓力，故不時抽空拍下趣怪自拍照與粉絲分享兼減壓。只見她不時嘟嘴賣萌、又扁嘴扮可憐，更大晒「鬥雞眼」。她表示練舞導致周身瘀痕：「我好驚！因為第一次學鋼管舞，仲要上咗幾堂就直接開騷，真係大壓力！（受傷？）撞瘀膝頭同小腿，不過上台表演時冇得靠化妝遮瘀痕，因為怕揸唔實條柱，所以到時惟有『一撻撻』示人！」但她又笑言「天生神力」有助學舞：「好彩我夠大力，導師話我第一堂就拎得起自己算係唔錯，否則未必表演到鋼管舞。」

Lorretta嘟嘴賣萌，又扁嘴扮可憐。

Lorretta大晒鬥雞眼，真係趣怪。