金燕玲接受黎燕珊訪問，首度談及與蘇施黃的感情，她坦言初時為生活而接受阿蘇，最終被對方感動。對此蘇施黃說：「梗係啦！唔通佢追我咩？」

金燕玲向黎燕珊剖白兩段離婚經歷。

金燕玲（左）自爆當初為生活而接受阿蘇，其後被對方感動。

金燕玲日前現身有線節目《往事．並不如煙》，與主持黎燕珊分享兩段離婚經歷，更首度剖白與蘇施黃（阿蘇）的同性戀情。縱使婚姻受挫折，她坦言並非因此而轉變性向，而是被對方感動：「我好介意人點睇我，我從來冇諗過最後會同一個女人一齊，但阿蘇感動咗我，我衷心想講，錫你嘅人，無論係方、圓、黑定白，都係冇分別。」

金燕玲坦言接受同性感情的心理關口很大，當初只為生活而接受追求：「佢同我講鍾意我，要追我，佢可以無條件安排住嘅地方畀我，我心諗咩人嚟(口架)？我都唔係鍾意女人嘅，但好現實，我的確需要有人照顧我。」記者聯絡蘇施黃了解，阿蘇聞言即說：「梗係啦！唔通佢追我咩？」但她不欲再多談二人感情事：「你當冇搵過我啦！」

前夫有外遇

從小已渴望結婚生子，金燕玲自爆曾為首任丈夫兩度墮胎：「因為我覺得佢並唔想要，依家諗番覺得好彩冇生，唔係就對唔住呢兩個小朋友。」金燕玲36歲時再次懷孕而再婚，但因男方有外遇而告終，期間她忍不住嗚咽：「我每晚都要飲酒同食安眠藥先瞓得着，好彩我囡囡生性，鼓勵我離開英國返香港工作。」

文：影視組