藝人晒愛形式有高、低調之分，高調的代表有王浩信在活動上舉牌支持太太陳自瑤；低調的有翟威廉與陳庭欣，言語間暗示晨早欣賞馬甲線，威廉更說：「要朝早六點先睇到。」

陳自瑤（左起）、陳庭欣及沈卓盈扮「印度西施」跳舞，功架十足！

王浩信在台下舉牌支持老婆，甩晒舞一樣照讚。

翟威廉與陳庭欣搞鬼擺甫士，好一對「印度情侶」！

文：影視組

王浩信昨日偕老婆陳自瑤（YoYo）在鑽石山商場出席無綫節目《萬千星輝賀台慶》表演項目預演，Sweet爆的他更高調晒愛，當老婆上台表演印度舞時，他在台下舉牌支持，成為全場焦點！不過卻令YoYo稍為分神。

冧到分心甩舞

YoYo受訪時表示，老公冧招反而令她更緊張，但甩舞主要是由於未習慣「印度西施」的服飾，雖只有三天時間排演，但她相信台慶當晚會有更佳表現。而浩信則懶理老婆甩舞，照樣大讚：「好似睇我個女表演咁，之前見個女學校表演都好緊張，一路舉牌一路緊張，我覺得OK，叻叻豬！」他更大爆太太在家練個不停，邊食飯邊跳。對着自認浪漫的浩信，YoYo表示日前由他安排夫妻倆慶祝結婚四周年的經歷特別難忘，惟問到再生小孩的打算時，他們互相拋波，浩信表示隨緣：「依家香港要養多個小朋友唔容易。」

六點睇馬甲線

雖然同場低調的緋聞情侶翟威廉與陳庭欣（Toby）未見公開晒愛，但提到Toby練馬甲線的進度時，威廉不慎自爆：「如果想睇，要朝早六點先睇到。（你成日六點睇到？）冇呀！傳聞嚟嘅啫！我哋開廠成日開到六點幾。（開廠？）我哋開拍劇嗰啲廠！（唔見你舉牌？）我呢啲年紀仲舉咩牌。（咁快不舉？）大家好似叫我嚟係利用我咁嘅？」身旁的Toby只好尷尬大笑，更不斷吩咐對方小心說話！