關心妍（Jade）昨日走進錄音室，為一個講述遭「IS」恐襲殘害的受害者的福音電視節目錄主題曲，她在電話中說：「唔係因為今次巴黎恐襲事件而錄，係咁啱今（昨）日錄音啫，首歌叫《像我這樣的一個雅茲迪女子》，啲歌詞好傷感，係首好有意思嘅歌曲。」

曾到巴黎度蜜月的Jade，對於今次恐襲事件感受特別深，她說：「發生恐襲嘅地方，全部都係我度蜜月時去過嘅，呢啲地方帶畀我好多回憶，依家變成咁血腥，真係好心痛，希望喺當地嘅朋友平安，我為失蹤及受傷者禱告，祝早日康復。」Jade望更多人關注及援助「IS」恐襲受害者，對恐襲應作強烈譴責。