今期《好報》踢爆拍拖三年的歌手林德信與日模松岡李那分手三個月,有指松岡難忍拍拖如湊仔,要對林德信作全方位照顧!身在日本的松岡封口拒絕回應分手,但只以「好朋友」來形容林德信,關係明顯降呢!

《好報》踢爆林德信與松岡分手三個月。

松岡對分手一事不置可否,但只表示與林德信是好朋友關係。

林德信

前年《好報》踢爆林德信與松岡李那宿一宵令戀情曝光,三年來雙方封口拒絕認證戀人關係,昨日《好報》披露原來二人於三個月前已分手,並拍得單身的林德信呆遊中環,沒精打采!

拍拖如湊仔

有指林德信雖然對女友溫柔浪漫,但由於需要被照顧,間中玩情緒及愛操控的性格,令松岡深感壓力,更有指松岡開工時常收追魂Call,收工後又要立刻返家煮飯餵「仔」等,令拍拖如湊仔一樣,加上有指林德信愛每事問,對女友的行蹤要充分掌握,日積月累下,三個月前二人終因小事而成分手導火線,爆發分手局面。

松岡與林德信皆是長情之人,一早視女友為結婚對象的林德信展開連環箍煲招數,除了出口術公開揚言想早日成家立室外,更出動「近水樓台」這招,搬屋搬到松岡新居附近。而松岡曾在網上意有所指地轉發愛情金句,表示愛一個人要受罪,近日更飛返日本散心,順道暫緩對方的箍煲攻勢。

林子祥冇過問

身在日本的松岡昨日透過經理人王友良回應,未有承認或否認分手,只說:「一直以來關係冇變,佢係我好朋友。」明顯林德信地位已降呢回「朋友」身份!至於林德信經理人林珊珊,昨日回覆本報時說:「唔回應喇!Alex(林德信)從來都唔回應呢啲嘢!」至於林德信父親林子祥和葉蒨文的助手則回覆:「一向以嚟對Alex嘅嘢都唔會過問,亦唔會知。」

文:專案組