陳奕迅(Eason)太太徐濠縈、馬詩慧與老公王敏德、富商曾文豪女兒曾昭怡及妹妹曾昭令昨晚現身Fendi專門店重新開幕一周年派對,提到早前有指Eason或報名今屆的馬拉松賽事,阿徐卻踢爆:「本來諗住降Grade陪佢跑10公里,不過佢冇報名又冇練跑,佢都難練跑,因為要做巡唱,又冇人陪,佢又唔鍾意我陪佢跑。」她大讚女兒包包跑得叻過Eason:「阿女可以跑到8公里,Eason最多3、4公里,但都要讚揚佢做巡唱嘅體能,好似我跑一場馬拉松咁,要唱三、四個鐘,又唱又跳,當係每星期嘅運動。」至於名模馬詩慧透露,二女王麗嘉已擱置休學一年到紐約做模特兒的計劃,改為邊讀書邊做模特兒。

徐濠縈大讚老公Eason的體能。

王敏德夫婦拍拖出席活動。

曾昭怡笑言產後進補過度,肥過生之前。