歐陽震華（Bobby）、胡定欣和呂慧儀昨日為無綫新劇《一屋老友記》試造型。Bobby被問到新劇是否似經典劇《執到寶》？他說：「都係講鬼，《執到寶》太經典，講屋企鬼戲大家都會諗起，但我哋呢套唔會講鬼字，會講老友記。」

胡定欣（左）和滕麗名坦言與Bobby合作難忍笑。

呂慧儀劇中經常與滕麗名鬧交。

Bobby大讚首次合作的胡定欣演技進步，有女主角台型，演戲愈來愈穩，定欣則說：「我會繼續努力，終於等到同佢合作。（擔心忍唔住笑NG？）一定會發生，我嘅忍笑功力低，望住佢都好想笑！Bobby係TVB福將，未拍Bobby都已經話33點。」定欣在劇中飾演水電工，弗爆的她笑言會在劇中借勢騷肌：「我會有意無意摺起衫袖，騷吓老鼠仔。」

而呂慧儀劇中飾演有公主病的「如花」，經常與滕麗名鬧交並飾演Bobby的弟婦。問到與Bobby合作可擔心忍不到笑？她說：「我唔忍得笑，我都驚NG。（開劇冇時間湊仔？）都OK，老人家幫手湊，依家個仔15個月大，冇咁黐身。」