薛凱琪（Fiona）昨日接受電台訪問時透露，前晚拍新歌MV至清晨六時，因她兼任導演及美術指導，故要一腳踢：「其實好多嘢要負責，好似搵場地同衫都要理，今次仲超支咗添！（貼錢？）超支咗三成，公司唔想我畀。」

薛凱琪執導新歌MV兼任美指，十分辛苦。

有傳踢走楊千嬅穩奪今年「叱咤女歌手」銀獎？Fiona說：「冇睇同唔會睇，怕睇完到時冇，會失望。（有信心？）我係有信心歌手，攞金銀銅咩顏色都係一個獎，每個獎都係珍貴。」

身為王菀之好姊妹的Fiona說：「都係睇佢Instagram知（結婚），即刻WhatsApp恭喜佢，我哋（王菀之、吳雨霏、林二汶）有個群組，佢特登錄咗段音祝福我，話想集三個女仔力量祝福我。（笑你未嫁得出？）唔係，係祝福我，未知出唔出席到佢個婚禮。」