譚詠麟（阿倫）、戚美珍（三嫂）和伍詠薇（伍姑娘）等昨日現身電影《江湖喜劇》開鏡，片中與兩位人妻均有感情線的阿倫，艷福無邊，笑指與三嫂多年來僅合作過一首MV，連親吻鏡頭也沒有，但今次演夫妻感覺似背住苗僑偉做了不該做的事。三嫂則笑言期待與阿倫合作，正爭取床戲及穿三點式戲份。

戚美珍（右）爭取與阿倫拍床戲，伍姑娘則申請於按摩池內穿少於三點式的造型情挑阿倫。

阿倫笑言未有就與兩女的感情戲與太太備案：「使唔使呀？唔需要啦！做嘢啫！（操股肌？）會o架喇！都係條橡筋繩褲。（紮住佢驚衝動？）仲衝到就好！」談到日前中了3T，他稱10多位朋友夾份，每人分約4千港元彩金。

對於前港姐蔡思貝被指學歷成疑，「校長」阿倫說：「我唔識呢啲嘢，我只係疑似教育界。（你個仔都係大學生，同佢嚴選學校？）哈哈！多謝大家！」

而與阿倫相隔近20年再合作的伍姑娘表示，已向導演申請於按摩池內穿少於三點式的造型情挑對方，阿倫聞言即問是否穿T-back？伍姑娘說：「你定我？我唔介意反轉嚟着！（着少過三點式即係唔着？）着，只不過我講到好鹹濕，其實唔止一場情挑，仲有一場關蛋撻事，圍讀時眼淚已經係咁流，笑到好慘！相信場戲要NG 50次以上，係入行以來最差呢場戲。」