應屆港姐季軍郭嘉文偕友誼小姐吳凱恩，日前為仁濟到荃灣擔任慈善獎劵抽獎攪珠嘉賓，受訪時大讚活動別具意義，凱恩更笑談身份變化：「以前就幫手賣，依家仲有機會幫手抽獎，小學到中學都好積極咁賣！」嘉文亦說：「嗰時會反轉張獎劵睇吓有咩獎品，又試過有人買完話畀番啲獎劵我。（有冇收番？）唔記得咗，嗰陣太細個喇！」

郭嘉文（右）及林凱恩擔任抽獎攪珠嘉賓，似足小朋友咁興奮！

兩人當選後逐漸適應工作及身份，並逐漸重拾參賽前的生活，凱恩說：「跟番之前個老師學整甜品，我又鍾意食，好充實！」嘉文則自爆曾偷偷重返大學旁聽：「見番啲師弟妹，見到佢哋喺度『晒莊』！遲啲都會返學校行畢業禮，好期待！」