寫真模特兒陳嘉儀（Tracy）擁有35C上圍，身材Fit爆，想不到已是「模媽」！她笑稱平日運動不多，但湊仔已足以Keep Fit。期望闖影壇的Tracy視型男吳彥祖為理想「目標」，大讚偶像顧家，好男人形象討好！

魔鬼身材點練成？Tracy平日運動不多，單靠湊仔已足以消脂！

Tracy期望可闖影壇作新嘗試，仲睇中吳彥祖做理想拍檔！

模特兒陳嘉儀擁有C Cup上圍及古銅色健康肌膚，猶如「嫩版陳雅倫」！早前她加入組合Super Sexy Hero推出寫真集，扮演「雷神女俠」在鏡頭前卸下盔甲，接近全裸，噴血指數爆燈！

甜姐兒最愛食同瞓

有逾4年模特兒經驗的Tracy已是「模媽」，去年生B亦未有隱瞞，反而吸引更多Fans捧場，她說：「好多男Fans好奇問，我照答，個個都支持，仲多咗唔少女Fans！（咁後生就生BB？）我係巨蟹座，好有愛心，喺街見到BB都想拐佢哋走！我曾經諗過領養，既然無意之中有咗，當然好珍惜。」

形象火辣的Tracy原來是名甜姐兒，最愛吃甜品及朱古力，幸而天生麗質食極唔肥，生B後更極速收身！她自嘲嗜好是食和瞓，平日運動不多，但笑稱湊仔已為她帶來充足的運動量：「個仔愈來愈活潑，湊佢一日都喘晒氣，仲辛苦過返工！」雖然身材Fit爆，但她坦言仍未滿意：「覺得仲係肥同唔夠靚，不過唔一定瘦就靚，性感仲可以包括表情、眼神同肢體語言。」

恨擺脫「Cool魔」

事業方面，Tracy希望作多方面發展，除了推出個人寫真外，亦渴望拍戲：「最想試喜劇，好多人覺得我Cool，其實我幾白癡同埋男仔頭。」問到心目中的理想男拍檔是誰？她大讚顧家型男吳彥祖冇得頂：「我欣賞佢唔只因為佢靚仔，係覺得佢對屋企好好，事業家庭都兼顧到！」

文：立影　攝：劉斌

Profile

姓名：陳嘉儀 身高：1米66 體重：41kg 三圍：35C、24、33