由梁漢文、蘇永康、任賢齊及黃家強組成男人幫，將於本月27日起假紅館舉行一連三場的《男人幫演唱會2015》，對於首次組隊上紅館，四人表示興奮，Beyond出身的家強更會首次在舞台大騷舞技，更笑說要小心他的「舞影腿」：「我覺得我叻過晒佢哋三個，個人有節奏感就咩舞都識跳，總之你哋唔好畀我伸落台就得。」梁漢文則揚言唱《情人》時要扮柱，讓家強對着自己發揮對情人的感覺，小齊聞言即說：「不過跳咩舞都要配合啲歌，盡量跟音樂編排去排舞，如果深情又激烈就好怪。」

任賢齊對舞蹈編排甚緊張。

任賢齊（左起）、蘇永康、梁漢文及黃家強首次組隊紅館開騷，令歌迷期待。