組合B.Gs出道短短時間已經吸金力十足，早前以近百萬酬勞接下香水品牌代言工作，並遠赴法國拍廣告。四女獲私人飛機接送及外國造型師的巨星級款待，但此行令她們最深刻的竟是能日日食雪糕！

Jovi在法國街頭拍廣告，順道觀光。

Onna

B.Gs獲私人飛機接載往拍攝地，盡享一級待遇。

B.Gs笑言法國之行最難忘是可以日日食雪糕。

女子組合B.Gs去年在內地完成逾百場巡唱，今年7月正式於香港出道，甫出道便登上新城國語力組合新人王寶座。同月，B.Gs更被香水品牌看中成為大中華區廣告主角，並以80萬人民幣（約97萬港元）簽約18個月，可謂豬籠入水！

背經理人日日食

上月四位成員方堯（Yona）、周汶希（Jovi）、鄒莉盈（Ceci）及宋英秀（Onna）飛到法國拍攝廣告，抵達巴黎後獲安排一架私人飛機接載到南部，並有外國造型師為她們裝身扮靚，盡享一級待遇！問到過程中最難忘的事，童心未泯的B.Gs竟表示是每日有雪糕食，因在港時會被經理人禁止食雪糕。Ceci笑說：「工作人員知道之後，就日日買雪糕畀我哋食，我哋都忍唔住偷食咗啲！」

鐵塔夜景有肖像權

組合中年紀最細兼最遲入隊的Onna自覺見識少，又謂是首次坐私人飛機及佩戴逾百萬元鑽飾：「最驚整唔見同整爛啲飾物，但今次拍攝真係令我見識多咗好多。」Jovi則表示來到法國才知巴黎鐵塔的夜景有肖像權，故只能於日間在鐵塔下進行拍攝：「不過影出嚟嘅效果好靚，想快(口的)同大家分享呢個有靚衫靚景廣告！」Yona大讚法國浪漫，希望能帶母親前來，孝順的她又透露會將代言費儲起，將來買樓送給母親。

文：音樂組