「金勝」唐文龍多年來貫徹硬朗形象，對工作擇善固執，即使回港發展有不少絆腳石，亦充滿熱誠。但談及感情事，條件優厚的他只抱持點點寄望，笑言一切隨緣。

被家人催婚的唐文龍坦言，曾與廿幾歲的女仔拍拖。

型男唐文龍（Michael）早年憑劇集《十月初五的月光》「金勝」一角為人熟悉，後來他北上大展拳腳，近年回港發展，與熟悉的拍檔登上大銀幕拍攝電影版。除了與家人團聚，Michael更希望在香港找回歸屬感：「感覺從頭嚟過，畢竟離開咗太耐。（搵夠人仔返港發展？）錢就永遠搵唔夠，但香港題材限制少，會有更多機會。」

北上半裸拍戲

Michael與當年的金勝相比，除Keep得一副爆肌身材外，更多了一份閱歷與風霜，談笑間散發熱誠，他笑說：「喺內地，演技同實力係好抽象，如果你想要機會就要做好演員本分，保持住最佳狀態。」整裝待發的Michael透露與娘家TVB有接觸外，更已接下一部新片：「係陳嘉上執導嘅古裝片，會同趙文卓、洪天明合作，嚟緊會去橫店練功。喺內地拍戲最難頂係天氣，套戲12月拍，會有赤裸上身戲，諗起都凍！」

邊拍戲邊搵對象

談到感情生活，Michael坦言不強求：「身邊好多朋友都成家立室，好似天明都生咗兩個，真係要讚吓（周）家蔚！家人都有催婚，但自問圈子好細。（接受到『父女戀』？）我都接觸過嗰個世代嘅女仔，喺北京都同過廿幾歲嘅對象拍拖，自問OK，但都係睇個緣字，邊拍戲邊搵。」

早前遭薛家燕爆料當年曾追求同劇的佘詩曼，談起這段「烏龍戀情」，Michael笑說：「家燕姐都係想套戲好啫！當年我有女朋友，有Feel都唔敢追人哋啦！（大家都回復單身？）我哋太熟，好難有嗰種感覺。阿佘係男仔性格，好捱得，希望佢多啲Take Care自己，唔好成日捱病喇！」

文：影視組　攝：張福宏