歌手張惠雅（Regen）日前出席活動時表示公司有提供唱K福利，又自爆是「咪霸」。問到可有因此被朋友投訴？她笑說：「梗係會，但其實我啲朋友都係咁，大家都要揸咪，所以成班朋友去唱K會幾辛苦。」對於新歌《一個人旅行》大受好評，她透露有意挑戰做導演，為歌曲拍攝一個「歌詞版MV」：「希望首歌可以有更多人留意！（諗過內容？）已經構思咗好耐，但要實行要花好多心機同時間，所以要完晒手頭上嘅嘢先！」

張惠雅對於新歌反應理想，深感高興。