歌手胡鴻鈞（Hubert）與好兄弟吳業坤組成的籃球隊VR1日前到某中學打友誼賽，狀態大勇的Hubert獨攬多個三分波，率領球隊以大比數勝出，被封「神射手」，但自言仍要在體能上下苦功。

正式比賽前吳業坤（右）已早退，胡鴻鈞即笑寸好友「影視紅星」超級忙。

雖然自爆冇操波成年，但胡鴻鈞仍頻進攻得分。

吳業坤（右）與鄧禮迪（右二）賽前落場熱身。

球隊教練劉子健（白衫）細心講解。

胡鴻鈞與粉絲合照留念。

胡鴻鈞、吳業坤及模特兒界「男神」鄧禮迪日前以籃球員身份出席友誼賽，球隊邀得籃球界「男神」劉子健任教練，由於吳業坤有工作，熱身一輪後便無奈說再見，打足全場的Hubert則手風超順，只要有位起手均成功取分，一口氣連入三個三分波，獲隊友狂呼「神射手」，但打到第四節明顯後勁不繼，不時喘氣。

成年冇練波

Hubert透露已有一年未有練波：「年初拍劇三個月，之後準備新碟，不過唔想畀太多藉口自己，要開始操番波。（滿意今日成績？）OK啦！」落場難免有碰撞，但Hubert自認打得好錫身：「未必會咁搏，進攻可能射吓波，防守就會懶啲。（成為焦點感壓力？）不論舞台、球場上都希望做到最好，當係動力。」

望重現腹肌

曾為拍廣告操出六舊腹肌的Hubert笑言已成為一體：「希望忙埋呢輪有時間做番多啲運動。」對於吳業坤早走，Hubert搞笑寸對方說：「佢依家係影視紅星、樂壇新貴！」

文：音樂組