黃子恒偕洪永城日前在將軍澳電視城古裝街拍攝無綫劇《味想天開》，更在城樓上演一幕兄弟對罵戲。只見二人怒火中燒，表情做足，在烈日下更顯熾熱。今次在《味》劇中飾演「廚聖」的子恒，現實中對煮食亦很有興趣，即使出街食飯都不忘學習：「我食完會喺屋企試整，咁我識多一樣嘢，同埋我又怕人多。」

黃子恒與洪永城為無綫劇《味想天開》拍攝嗌交戲。

問到最近可有與曾傳緋聞的吳若希聯絡？黃子恒坦言工作太忙沒有時間：「我見梳、化、服嘅同事仲多過見我阿媽，其餘時間都喺張床度。（若希暗示你係HeHe？）我直到不得了！（對若希印象？）我由識佢到依家都係朋友，佢係一個好爽直嘅女仔，好男仔頭。其實我幾奇怪，識嗰個人就知係朋友定係傾得埋嗰隻，分得開。（對若希冇感覺？）係朋友感覺。」