無綫小花林夏薇早前與新婚丈夫Jason歐遊，全程獲丈夫任御用攝影師。平日一臉嚴肅的Jason，被傻氣的薇薇融化，齊齊於鏡頭前鬥Chok，難怪薇薇沾沾自喜說：「終於發掘到先生嘅另一面。」

林夏薇的歐洲蜜月之旅，獲老公全程擔任御用攝影師。

平日Cool爆的老公Jason，竟與林夏薇鬥擺Chok甫。

林夏薇參觀羅馬教堂和鬥獸場。

林夏薇7月下嫁圈外才俊男友Jason，正式升呢人妻，惟婚後未來得及度蜜月，便要投入新劇連串宣傳工作，幸宣傳期過後終可抽時間陪老公。薇薇早前趁Jason到歐洲公幹，做跟得夫人陪足對方一星期，順道度蜜月，除工作以外，兩口子往羅馬、威尼斯、米蘭和梵蒂岡等地，雖然於米蘭一站巧遇本地傳媒，卻未有影響度假心情。

齋睇唔買

雖然歐洲著名品牌眾多，但薇薇笑指此行齋睇居多：「多數都係望吓有咩新款式，Shopping都係其次，主要都係去睇博物館，好似睇『最後的審判』就專登去梵蒂岡一個教堂入面睇、『最後的晚餐』就去米蘭度睇，不過兩個地方都唔可以影相，但有機會睇到兩幅咁出名嘅畫，已經好滿足！」

向來喜歡影相的薇薇亦趁此行瘋狂留倩影，她大讚歐洲任何地方也非常美麗，所以每到一個景點也拍了不同角度的照片：「我先生真係好好，全部相都係佢做攝影師，朋友睇完都覺得影得幾好，我當然係話靚！最搞笑係佢見我扮型影相，自己又喺後面扮埋一份，影完佢都講笑話其實可以做Model，哈哈！大家咪睇佢平時咁Cool，我終於發掘到佢原來有呢一面。」

文：影視組