荷里活女星晒胸過鬼節，型格男星謝勒力圖（Jared Leto）亦夠晒「惹火」，皆因他大前晚在加州豪宅開P狂歡時，嘈喧巴閉激嬲鄰居！他當晚廣邀好友參加，但眾人喧嘩又亂泊車，鄰居紛紛在Facebook的社區專頁貼文投訴，其中一人寫公開信寸爆：「親愛的謝勒力圖：你在大宅開P真夠Cool，或者你可以教教所有去你家的賓客應該怎樣正確開車上下山，以免在晚上十時半對社區造成破壞。」不過有居民留言撐他：「萬聖節開P啫！唔係咩大件事。」謝勒則未有回應。
