張智霖（Chilam）與莊思敏等現身旺角為新片造勢，惹來大批途人圍觀，他們派餅時更發生「搶奪戰」！為免生意外，Chilam於活動完結後，在工作人員掩護下「9秒9」速逃，混亂間莊思敏遭保安推開！

Chilam魅力沒法擋！所到之處均人頭湧湧，難怪他要速逃避險啦！

於旺角街頭送禮的Chilam，吸引大批途人圍觀。

昨日Chilam及莊思敏等到旺角街頭宣傳新片《十月初五的月光》電影版，期間與粉絲舉行卡拉OK比賽，又從台上擲下禮餅派給途人，瞬間將現場擠得水洩不通！派餅時更發生「搶奪戰」，大批粉絲拿出手機爭相影偶像，令台上的擴音器險掉下，相當牙煙！

搭港鐵冇人理

Chilam待活動完結後，即在工作人員掩護下成功「逃脫」，改往附近食肆接受訪問。他無奈苦笑說：「我9秒9離開，唔想再生亂。人多危險，要注意安全，不過頭先派餅一定要擲後少少，送埋畀後面啲途人嘛！（你搭港鐵點算？）咁反而冇嘢喎，個個掛住望手機，邊有人留意你？」而前晚於內地奪得「最受歡迎男演員」獎回港的他表示，昨晚相約家人食飯慶祝：「Captain Cool真係好有魅力，初哥哥都要衝上雲霄。」

同場的莊思敏則自爆離場時遭保安人員推開：「可能佢哋眼中只得Chilam。（發脾氣？）咁又冇，助手都即刻同佢哋講番。」

文：影視組