小丑狂迷！張建聲謝勒激似孖生

張建聲（Justin）日前以荷里活影星謝勒力圖（Jared Leto）飾演的新版「小丑」造型慶祝萬聖節，更到街上嚇人感受節日氣氛！Justin為化身小丑，花了近七粒鐘化妝兼整裝，成功抓住謝勒版小丑的神髓，早前他更以已故男星希夫烈格（Heath Ledger）的小丑造型到莊思敏新片活動撐場，可見Justin對「小丑」情有獨鍾，他笑說：「我情迷Joker，細細個時我嘅偶像就鍾意Batman，大大吓覺得小丑更豐富，難得我嘅髮型師、化妝師又肯同我一齊癲，上次《碟仙碟仙》首映，出嚟嘅效果原來冇畀人鬧，其實好開心，因為呢兩個時代Joker我都想扮一次，所以就扮吓新小丑。」