Jude（曾若華）未入行前曾在蘭桂坊街頭賣唱自娛，竟遇醉酒佬向她「打賞」500元，成為人生中最難忘的一次。

在外國居住的Jude習慣自由，故退休後會考慮回英國生活。

Jude自爆當年自學結他，無師自通。

文：音樂組　攝：李柏儒

樂壇新人Jude從小在英國讀書，雖然父親喜歡彈結他夾Band，但她彈結他卻是無師自通，她說：「阿爸彈結他好勁，佢遺傳咗啲音樂細胞畀我，而媽咪就係我第一個Fans。」在外國生活時，每逢放假她都會到處旅遊，曾試過展開長達三個月的歐洲之旅，到過法國、意大利、冰島、西班牙、土耳其、荷蘭和克羅地亞，在旅程中尋找音樂靈感。

當賺的士錢

外國流行街頭賣藝，原來Jude也有經驗，但賣唱地點竟是香港：「有次返嚟放暑假，跟咗啲朋友去蘭桂坊街頭賣唱，通常都係Happy Friday同Weekend，我試過唱足成晚，有個醉醉哋嘅人畀咗五百蚊我，我梗係開心啦！因為可以搭的士返屋企囉！」問街頭演唱是否為賺錢？她說：「純粹係為開心同Show Off，當見到啲人停低聽你唱歌，我會因為得到佢哋認同而開心。」不過，她的街頭表演現已實現在真正的舞台上，賣唱日子已成為她難忘的回憶。

慣咗無王管

在外國居住十多年，回歸香港發展的Jude表示生活上仍未習慣：「因為太耐冇同屋企人一齊住，咁多年習慣咗冇人理，冇人管，有種想『逃脫』嘅感覺囉！」她透露香港始終是她發展的首選，所以返回英國生活可能要待她退休以後再計劃。