被封為新一代「古女郎」的女新人范愷雯（Michelle），早前有幸與巨星古天樂拍攝電子產品廣告，她回想拍攝的情況：「都冇話好多NG，當時有導演同工作人員幫手，又引導我哋點講對白、點做表情。」笑言冇追星經驗的Michelle自言最欣賞劉心悠，並以她為學習對象：「其實一直冇話要朝住邊個明星進發，冇話要做到好似邊個邊個咁，但係之前參與過一啲首映，發現劉心悠真係好『女神』形象，向來畀人感覺都好純潔，我會當佢係我嘅圈中偶像同榜樣。」問到定位，Michelle想行清純路線：「文青啦？哈哈！如果拍戲都想試吓扮精神分裂，例如平時大家見我好似好文靜咁，但係有時我都好癲！」

范愷雯笑容甜美，有潛質做新一代清純女神！

范愷雯早前與型男古天樂拍廣告，一啲都唔怯場！