代表香港出戰內地歌唱節目《中國好聲音》第四季的李嘉琪（KiKi），坦言當初沒想過導師那英和周杰倫都會為她轉身！

李嘉琪性格樂觀，雖然最終戰敗，但認為做到最好已經足夠。

李嘉琪在《好聲音》一鳴驚人，如果可以出廣東碟益港迷就好喇！

現年21歲的歌手李嘉琪（KiKi）早前代表香港出戰內地歌唱節目《中國好聲音》第四季，憑用結他自彈自唱《漫步》大放異彩，吸引那英及周杰倫（周董）一齊轉身，周董更大讚來自香港的她咬字清晰，最終KiKi因感受到那英的熱誠而加入那英戰隊，其後更打敗台灣天后張惠妹的妹妹張惠春！雖然KiKi最後爭入那英隊四強失敗，但她說：「我每次都有盡力做到最好，所以唔會唔開心。」

問到盲選時曾否害怕沒有導師轉身？她說：「當時一心諗住唱好首歌，見到那英轉身嘅時候有好開心，之後連周杰倫都轉埋，就開始苦惱要揀邊個導師！」

揀那英唔後悔

對於選了那英而非周董，KiKi直言從未後悔：「當時那英成日都提住話好想我加入，而周杰倫都想我去佢嗰組，但就話我喺佢嗰Team會好危險，叫我都可以考慮那英。」

唔怕步G.E.M.後塵

問到參加節目的辛酸，KiKi認為錄影現場氣氛很好，但爆料指盲選時因全國太多人參加選拔，等候時間很長，要長時間在酒店Standby，結果她面試時已經是凌晨時分，影響唱歌水準。早前歌手鄧紫棋（G.E.M.）參加內地歌唱節目《我是歌手2》在內地爆紅，但受到不少香港歌迷抨擊，問到會否擔心？KiKi說：「我覺得都冇得驚，我只會盡力做好自己本分，管唔到其他人點講。」

文：甄之慧

攝：李柏儒