男子組合Fantaz去年出道兼勇奪「新城勁爆新登場組合（金獎）」，但今年未有新歌，難怪日前出席活動時即被取笑是否「自我摺埋」！三子笑住否認：「唔係！只係明年頭先有新歌。」問到過去一年是否靠家人救濟？成員Nel說：「我哋三個各自有做兼職，當然屋企人知我收入唔穩定，久唔久都會畀錢我。」問到有否留意男子組合Faith被插騎呢？Fantaz說：「有留意，但唱歌呢樣嘢各花入各眼。（向對方挑機？）唔敢！」

Fantaz坦言雖然音樂上零收入，幸有兼職幫補家計。