組合Super Girls日前接受電台商場直播訪問，她們表示首次以這種形式受訪感新鮮，節目中踢爆成員Cheronna的異性緣最好，Jessica指男生與Cheronna相處後便會被其魅力吸引，但Cheronna卻不認同：「平時佢哋都唔係咁講！所謂異性緣好係覺得多男仔朋友，確實我同男仔可以玩到好癲，但追或鍾意我嘅唔多。」

Super Girls為音樂會要短時間內從頭學舞，挑戰人體極限。

談到即將舉行的音樂會，五位成員直言有點緊張，皆因所有歌曲要重新編舞，等於要在短時間內從頭學習：「公司要Train我哋做『Super』Girls，我哋原本好平庸，個腦長期處於放空同休息狀態，但入行後成日都Push我哋要挑戰極限！」