歌手洪卓立與女友湯怡走了八年愛情長跑，他剖白當年因歌迷對女友不斷惡意中傷及媒體的負面報道，忍不住決定Man爆護花公開戀情，可惜得到反效果！

洪卓立指家人未有催婚，暫時以儲老婆本為目標。

洪卓立為保護女友而公開戀情，可惜得不到部分歌迷支持。

洪卓立與湯怡拍拖八年，已視女友為結婚對象，日前趁湯怡生日送上「My Wife」蛋糕表心迹。

文：音樂組　攝：黎志輝

現時不少藝人拍拖都會收收埋埋，深怕戀情會見光死，但歌手洪卓立（Ken）卻決定與女友湯怡公開戀情。提到戀情，Ken不禁甜笑指與湯怡拍拖八年，早已互相視對方為結婚對象，更要努力賺錢儲老婆本：「雖然冇特別討論過結婚，但係都有共識，大家有講過之後嘅事，講過老咗大家住邊，況且都咁多年啦！」問到家人可有催婚，Ken指家人明白身在娛樂圈不能夠太早婚：「除非有意外，咁我都幾安全嘅！」

讚女友愛心氾濫

談到當年跟湯怡玩地下情，為何如今會選擇公開，Ken直言因當時有很多歌迷討厭湯怡，面對歌迷惡意中傷及傳媒負面報道，最後忍不住選擇站出來護花。本以為公開後能解決問題，但他直言反而變本加厲：「當時佢畀人誤會，有報道寫到佢係個好勢利嘅人，又話佢不擇手段，但佢係一個愛心超級氾濫同好善良嘅人嚟，你話我偏幫又好，咩都好啦！」

斥負面報道誤導

當報道出街後，部分粉絲信到十足，Ken覺得粉絲被蒙騙：「講到佢係為咗紅先黐埋我度，重點係我又唔係好紅，呢樣嘢已經唔成立！同埋我喺佢身邊咁多年，有咩我係會唔知？我覺得好唔Fair！」Ken表示現時歌迷會選擇對戀情不聞不問，算是緩和雙方的做法，但希望歌迷日後能夠明白及祝福自己。