莊思敏闖鬼校 香爐陣保平安

藝人莊思敏與沈震軒於電影《碟仙碟仙》中齊齊「撞鬼」！曾是碟仙迷的莊思敏自目擊朋友「玩出火」後，一直不敢再接觸，直至拍攝才破戒：「如果身上面有符、有玉器都係請唔到，所以拍嗰陣要求戴條珠鏈，雖然服指唔係太贊成，但係自己就好堅持，起碼心安理得。」她又踢爆到猛鬼熱點拍攝，幕後非常信邪：「不停喺達德學校門口裝香，支香冇斷過，平時埋位裝完燒完就算，當時我見佢哋專心服侍個香爐。」提到陸駿光拍攝中途又暈又嘔，並指沈震軒無故陰陰笑，沈震軒解釋話當時拍至筋疲力盡，絕對是對方拍到出現幻覺：「我拍到連表情都冇！」