陸詩韻最近為親自設計的睡衣忙個不停，合共設計了七個款式，將會於網上售賣。提到睡衣設計，詩韻坦言睡覺時都要貪靚，自己愛低Ｖ露鎖骨！ 文：影視組

陸詩韻親自監場由揀睡衣到睇Playback一腳踢。

陸詩韻指女人天性貪靚，連睡衣都不能求其。

陸詩韻笑言唔想獻醜拒做模特兒，指導擺甫士就冇問題！

最近忙於為11月公演舞台劇綵排的陸詩韻，因排練相當緊密，令她有點體力不支，更病倒收場，但她表示很享受現時的工作，愈做愈起勁及有成功感。除了幕前工作，詩韻早前亦投資六位數字初嘗做網上生意，力Sell護膚品、矯型內衣及最新的女性睡衣。

女人瞓覺都要靚

合作的睡衣品牌屬歐美品牌，對方還邀請詩韻設計其中一個系列共七款性感睡衣，最後她花了六星期設計，日前請來外籍模特兒影廣告相，她亦親自到場監督畀意見，首次擔任設計師的她坦言有相當難度：「自己有好多諗頭，但有時諗到嘅款式又未必可以真正實行到。女人始終係貪靚，就算瞓覺都要靚，自己成日都喺屋企照鏡！」問到對睡衣款式的要求，詩韻自爆着得夠尖：「我對睡衣都幾講究！當然質料要舒服，我鍾意啲高衩、心口V形嘅款式，身形顯得更靚之餘，個鎖骨位仲會靚啲。」

拒做生招牌獻醜

不過，問到為何未有親身上陣示範做生招牌時，她笑說：「相比嗰日影完啲Model，自己真係『小巫見大巫』，唔應該獻醜，加上身份都有啲尷尬，都係留番畀啲Model啦！」