李思欣一向瓣數多多，搞生意之餘最近更北上拍電影，不過亦不時抽空回港出席活動。早前為歌唱比賽擔任嘉賓的她不但上台獻唱，更與小朋友大玩遊戲！與范振鋒結婚多年的她被問見到小朋友可有生仔的衝動？她說：「佢哋都好乖又活潑，係咁捉住我影相，不過依家搏殺期，同老公都想做多幾年嘢，儲多幾年錢先生BB。」

李思欣為歌唱比賽擔任嘉賓，開金口獻唱。