宣布懷孕的名模Jessica C.日前在馬爾代夫答應男友安志杰求婚，昨日兩人返港恩愛現身機場，Jessica C.除大讚Andy親自設計的求婚戒指十分完美外，更四度錫錫！文：名人組

JC和Andy返港時大騷婚戒，更4度錫錫。

兩人助手帶同JC和Andy的愛犬來接機！

名模Jessica C.（JC）與男友安志杰（Andy）蜜運一年多，兩人早前出席活動時默認有喜，Andy日前更在馬爾代夫成功向JC求婚。一對準新人昨日從馬爾代夫返港，兩人的助手亦帶同Andy與前女友謝婷婷拍拖時共同飼養的愛犬來接機，原來JC和Andy都十分痛錫狗狗，更當牠為家庭成員。

返美國自然分娩

問到求婚計劃籌備了多久？他透露已準備了個多月，JC此時補充說：「係好浪漫嘅Set Up同晚餐，仲係慶祝我哋拍拖一周年紀念。（BB依家幾多個月？）差唔多5個月。（發現有BB嗰陣有咩感覺？）係一個大嘅驚喜，但我知道有BB後都冇畀任何壓力Andy。」JC透露會與Andy齊齊停工返美國待產，產後亦會休息數月：「會嘗試自然分娩。」

婚戒隱藏寄居蟹

另外，Andy透露親自設計的戒指近2卡，JC說：「馬爾代夫嘅沙灘有好多寄居蟹，睇睇吓發現有隻戒指，開心到無法言喻。」又興奮表示前晚在馬爾代夫跟5、6條魔鬼魚一起暢泳，兩人語畢即4度錫錫！

此外，據知早前曾有部驚慄電影找JC拍攝，但JC因擔心情緒受影響而推掉，估計損失六位數字。