無綫藝員陳國邦昨日在微博以「千字文」慨嘆發展未如理想，自爆離開無綫。身在台灣為舞台劇演出的他透過短訊着記者聯絡其太太羅敏莊。羅敏莊受訪時表示老公一直工作得不開心：「我話你鍾意點就點，我哋人生去到呢一步最緊要開心，佢出面工作仲開心過喺TVB。（擔心經濟？）當然會有轉變，但冇乜所謂，有粥食粥，有飯食飯。」而無綫高層樂易玲說：「之前合約已經傾好晒，我都唔知發生咩事，等佢返嚟再傾。」

羅敏莊透露陳國邦非常享受做舞台劇。

曾離開無綫的黎耀祥明白陳國邦的心情。

陳國邦好友黎耀祥則說：「少咗個好對手當然可惜，十幾年前我離開無綫都有呢個心情，係突破唔到，佢好有才華，唔擔心。（有冇聽佢講過﹖）佢好有原則同硬頸，冇同我哋講。」