樂壇新人葉巧琳（Mischa）性格活潑開朗，最愛搞怪！萬聖節臨近，她已經計劃好一系列的搞鬼造型：「其實我萬聖節扮嘢都係扮啲靚嘅嘢，以前試過扮羅賓同巫婆，今年就打算扮迷你兵團，不過唔係髹到成身黃色，係着件黃Tee加工人褲，而最重要就係副眼鏡！」她又笑言試過最誇張是和朋友一行六人齊齊戴住「爆炸頭假髮」落蘭桂坊玩，搶眼度高達十粒星！

Mischa預告萬聖節會穿黃Tee襯工人褲、戴眼鏡扮迷你兵。

最愛整古做怪的Mischa，表情多多。

Mischa小時候在外國生活，愛扮到古靈精怪拍門攞糖。

Mischa續說：「其實好多朋友都鍾意扮吓嘢，搞吓鬼，但就要搵個藉口，好似我哋一班朋友遲啲有生日會，都計劃咗用70至80年代Dress Code一齊玩。」她又稱小時候在外國生活，亦會與其他小朋友扮到古靈精怪拍門：「外國生活時更加有氣氛，大家一齊去拍門真係會攞到好多糖，有時多到要掉，你知啦，唔係粒粒都好食。」