「男神」王宗堯宣布封盤！前日37歲生日的他與21歲的(o靚)模黎紀君，先後於社交網上載多張到日本旅遊慶生的照片，因而「洩蜜」！宗堯更以「穩定發展中」來形容兩人感情狀況！

宗堯和o靚模Christy拍拖遊日，仲齊齊Upload相，令戀情曝光！

文：影視組

王宗堯前日迎接37歲生日的同時，一直恨拍拖恨到口水流的他終於有了感情依歸，原來男神情傾「身材Big爆」的o靚模黎紀君（Christy），兩人打破16年的年齡差距，近日愛得甜蜜，更被發現拍拖前往日本度假慶生！

忍唔住甜笑

宗堯與新女友旅行拍拖到築地食海鮮、坐地鐵及睇夕陽，期間先後將相關照片上載到互聯網，因而「洩蜜」！雖然未見兩人合照，但宗堯似乎未有打算隱藏已封盤的事實，當記者致電求證時，他以「訊號麻麻」為由，要求記者改發短訊給他，不過期間已聽見他Sweet爆的笑聲，可見此行相當愉快！宗堯最終以短訊回覆：「我哋一大班人去，唔係二人世界喎！詳情唔講喇！不過依家穩定發展中，希望可以睇長遠啲。（之前傳你同Angelababy師妹陳詩雅？）生活方式不同就沒有延續啦！」

「穩定交往中」

而當記者祝他生日快樂及希望兩人發展穩定時，他亦禮貌回話：「Thx！謝謝。」至於何時返港，以及是否可形容Christy為其女友，他則選擇避談，誓要保護這段剛萌芽的戀情！而Christy則透過經理人公司表示與宗堯「穩定交往中」！