名模歐陽妙芝婚後專心相夫教子，最近突然走進錄音室，除了唱歌外，更一手包辦作曲填詞！她透露去年隨鋼琴老師Willy學琴，現時每周都會到資深音樂人Benson開設的Studio錄音，一切都是無心插柳：「有次同張崇基講開想學琴，佢就介紹咗老師畀我識，佢用速成法教授，加埋個人天分，我一個月已經彈到！」

歐陽妙芝搞搞新意思，在Benson協助下完成錄音。

她透露平日喜歡哼歌，由老師將零碎的音調組成並修改成一首樂曲，她其後嘗試填詞，但初版猶如「小李飛刀」欠浪漫，經修改後，今年終於完成處女作《愛一世》，現時每次唱這首歌都會感動得哭起來，她說：「我向來3分鐘熱度，去到某個位就會放棄，人生好似永遠都Click住Click住，一事無成。身邊朋友畀咗我好大信心，好似學琴每次想縮時，老師就同我講已經洗濕咗個頭，冇得縮！」她現已錄製了一首歌，下一步會邀請好友拍MV：「最想將呢首歌送畀我愛嘅每一位，最感動係原來我做嘅嘢都影響緊其他人，好似細仔依家就將我首歌填咗英文詞，又學我作曲，佢本身好鍾意音樂，依家當咗我係偶像！」