SiS樂印姊妹成員駱胤樺與駱胤鳴雖然是親生姊妹，但性格卻南轅北轍，家姐胤樺較文靜，曾被父母誤以為患上自閉症，相反胤鳴有「過度活躍症」，更投訴家姐在開會時「天然呆」！

兩姊妹擺甫士，胤鳴明顯比家姐胤樺活潑！

胤鳴與胤樺雖然各有性格，但同樣深得粉絲歡心。

最近SiS樂印姊妹推出新歌《So Fa Mi Re Do》，以樂理中最簡單的音階來鼓勵香港人，凡事用簡單的心去面對煩瑣的事。工作中最令兩姊妹煩惱的是與老闆開會推銷新歌，每次她們都會臨場緊張得口震震，胤鳴說：「實會緊張，家姐會好啲囉！因為佢個人天然呆，開會過程只會話『嗯嗯』。我主力拋好多條橋出嚟，但唔知邊個好啲，家姐就會做總結。」

Sell歌被Ban

兩姊妹透露每次開會前都做足資料搜集，不過仍會被老闆「Ban橋」，曾經一次她們的新歌有意以「哈比人」為主題，向公司提議到新西蘭哈比人村拍攝，笑言最後可能超出預算，而令新歌胎死腹中。

提到兩姊妹性格一動一靜，家姐胤樺表示自小沉默寡言，媽媽一度以為她患有自閉症，她說：「細個媽咪以為我有自閉，佢去買餸時會叫我同其他小朋友去公園玩，但我只會望住啲小朋友喺度笑。之後媽咪帶我睇心理醫生，醫生話我冇問題，話我只係安全感比其他人低，要去觀察人做乜，先會敢去跟住做。」最後音樂成功帶胤樺走出陰霾，因在求學時老師認為她有歌唱天分，故不時鼓勵她參加比賽：「當我比賽之後，其他同學仔就會覺得好聽，我開始沾沾自喜，個人就活躍番。」

細 妹開籠雀

至於妹妹胤鳴則剛好相反，自小如開籠雀一樣：「由細到大都好多嘢講，五歲已經參加講故事比賽，但我專注力不足，講講吓會唔記得。」

文：音樂組