「大細路」洪天明不經不覺已是兩子之父，提到家庭，他有滿腹大計：「以前搵完錢就餐餐清，但依家要有Plan，仲要儲起一筆基金，所以要更加、更加努力！」不過，演員往往是被動的，他認同演藝圈收入不穩定：「呢行好睇天時地利人和，老竇（洪金寶）試過拍完一部戲，等咗年幾都冇工開，當時佢諗過去學廚，但後來突然有戲搵佢，咪繼續拍戲，呢行就係咁。」儘管如此，熱愛演戲的天明不打算離開演藝界，希望將來能夠全職做生意賺穩定收入，兼職演戲當興趣。

已為人父的洪天明有晒「家庭計劃」，現主打做生意賺錢。

作為家庭支柱，天明感激太太周家蔚背後的支持，但笑言太太的外表「欺騙」了大家：「佢外表好純，其實唔係咁！佢係一個性情中人，好講義氣，對朋友亦好好。」選美出身的家蔚原本星途一片光明，但為家庭甘願放棄事業，天明說：「佢唔係追求名利，佢用心對任何人，佢為咗家庭放棄咗好多！」

場地：add@Prince

服裝：EVISU