入行七年的型女歌手若琪，乘機轉型行性感路線，並與應屆金像獎得主李端嫻（Vee）合組樂隊「日月系」，笑言在新創作上有很大突破，但同時堅持「型格」原則！

若琪找來Vee組隊「日月系」合作新專輯，搞搞新意思。

若琪打算轉走性感「露」線，視為入行七年一大突破。

若琪指創作靈感多來自愛情經歷，有喜有悲。

走「型女」路線的若琪（Takki），不知不覺入行已七年，「七年之癢」下心郁郁想轉型，決定下月推出新創作歌，還以性感作突破，她說：「以前我畀人感覺會中性啲，今次對我嚟講係幾大尺度嘅突破，會多啲女人味，唔想畀人感覺太難接觸，希望型得嚟又會性感，唔希望件事變到好俗。」

組新樂隊做阿愁

新專輯中，Takki與應屆金像獎「最佳原創音樂」得主李端嫻（Vee）合作，組成全新樂隊「日月系」，她解釋這名字大有意思：「今次創作會有好多關於時間嘅題材，日同月係時間上嘅一大對比。我同Vee嘅背景好唔同，但我哋兩個同道中人喺有緣下相會，呢次Project就係講呢樣嘢。『日』係代表Vee，因為比較開朗；『月』就代表我，因為我多愁善感！」

提起創作，Takki頭頭是道，原來靈感有不少是緣自以往的愛情經歷，她說：「我呢世人有兩個人係最Hurt我，我明有時兩個人會冇Feel，但我最憎係冇Feel但仲要拖住我！」受傷過後，她透過音樂發洩感受：「拍拖會帶到畀我好多感受，失戀會寫到一啲好到肉嘅歌，當有愛情滋潤就會寫到啲好開心嘅歌。」

插昔日作品幼稚

不過，Takki自言有時翻閱舊作，難免覺得當時很幼稚：「每份創作都係我成長印記，我以前有首歌叫《愈痛愈愛》，依家睇番會質疑自己當時係咩心理？點解會愈痛愈愛呢？依家大個咗，知道遇到真愛先會活出最好嘅自己！」

文：專案組

攝：鄭家俊