歌手胡鴻鈞日前為宣傳劇集主題曲《相信明天》到電台受訪，他透露歌曲是講述他一年以來的心境，因去年他在音樂發展上放慢步伐：「呢段時間我係諗緊之後嘅路點行，我有反思，面對自己缺點，覺得我唔識同人相處，可能我初出道時太過順風順水，後尾發現自己價值觀好幼稚，唔識珍惜。」

對於有報道指他因扭計不肯拍劇而遭公司雪藏？他說：「冇咁嘅事，老闆仲安排我去下個劇組，可能係我自己問題，做新人時講過話只想專注唱歌。」他透露積極練舞，將在銅鑼灣鬧市上演快閃舞蹈騷。